The meaning of travel

真實嘅旅行的意義無陳綺貞首歌嘅內容咁扇情、咁悲傷，反而好正面下㗎！當然每個人都有自己嘅一套旅行的意義或者方式，而我覺得從backpack生活裡面可以得到嘅係：

1. 一出家門口已經馬上脫離香港果隻名牌主義、物質主義同消費主義，因為錢都要花喺所有基本需要上面！慢慢你就會發現物質嘅追求其實令人有好大嘅壓力。
2. 尋找人類原始生活嘅本質。旅行每日嘅生活就係好似動物咁搵地方睏、移動、整食物......無一個動作係文明社會發明出嚟，真係要好似my little airport咁問下邊個發明了返工！
3. 不停生活喺唔同嘅地方，識唔同嘅人，認識到佢地個人background先搵到真正嘅自我價值何在，明白到自身或者香港究竟喺一個咩水平、咩身份、咩位置。身處喺另一D環境之下自省、反思嘅時間亦會特別多。
4. 改變舊有嘅習慣，再加一D新嘅習慣。例如飲食，執野，思考，同人相處嘅習慣等等。話明習慣係要慢慢嚟嘅，如果旅程唔夠時間就餚唔出呢㗎啦！
5. Dramatic life！曾經喺越南遇到一個七十幾歲嘅美國伯伯，佢辭咗職去東南亞兩年，佢話：「我死果日都唔會後悔，因為起碼我曾經做過呢件事...呵呵呵！」究竟有幾多件事喺我死前一日，仍然令我覺得起碼曾經做過而無悔地去呢？
6. 無經歷又點抵得住風浪呢？去一轉令自己更硬淨，更獨立！無懼日後風吹雨打啦！

如果你準備出門而朋友又問起一D點解去呀，expect會有D咩得著呀等等嘅問題，歡迎你借用以上幾點！不過好大機會你之後會搵到更多更多嘅意義同原因。