■ 中國逗留時間 ■ 歐洲國家逗留時間 ■ 總逗留時間
究竟去旅行其間要洗幾多錢錢呢？究竟咩謝謝同菜菜係咪真係可以唔識英文唔識簽visa唔用指南去十個月，洗$50000港紙呢？今日我就同大家解開呢個謎團啦！！
本人一樣去咗十個月都無簽過visa，所以係無visa嘅費用，你知啦visa可大可小㗎。我去嘅係中國加歐洲，歐洲就一定係貴過大陸唔洗講。而家講講中國嘅洗費先，五個月喺中國就洗咗每人大約$30000蚊港紙，但係喺西藏一個月就已經洗咗其中$5000。所以相對起上嚟西藏都唔平㗎，雖然喺拉薩每晚住宿係¥9蚊人仔，但係車費絕對唔可以睇小！而我係走滇藏線入藏，都會影響咗個交通費嘅。如果用我呢個budget去計兩個人十個月喺中國連西藏嘅話就係：$30000x2(十個月)x2(兩個人)=$120000，呢個係假設唔移動去其他國家。至於你問我謝謝同菜菜兩個人洗$50000呢個budget係咪真，比我要達標就要couchsurfing加hitchhiking先得喇......至於唔識英文都會ok嘅，唔用指南？更加唔會有問題啦，而家上網咁多料，求其百度一下總有一個答案啱你！至於visa，聽講大陸人好難backpack出國玩㗎喎...
好！返番嚟歐洲方面，五個月洗咗每人大約$55000蚊港紙。值得留意嘅係西歐同北歐都比東歐貴好多，特別係交通方面，可以行嘅都盡量唔搭車，如果唔係絕對係一個重擔！一蚊一蚊咁慳到最後，每人洗咗$82,550港紙。真係要比個叻自己兩位！正常喺香港番工一年又點會洗咁少錢呢...
No comments:
Post a Comment