Inside the bag

本人基本裝備一覽（一人份量）！D嘢一路上都有加有減。

先講最重要嘅袋，大袋就係你嘅五星級臨時的家。要帶保到好暖嘅衫（-20度以下），又要帶好涼爽嘅衫（30度以上），基本上一個60+25L嘅袋都好夠用㗎喇！再加一個細袋20L（15L就細左D），一係移動嘅時候裝電腦同相機同一D方便拎出拎入嘅野；二係平日出街裝外套，水壺，Guidebook或者係D地圖咁。仲有一個好重要嘅袋就係鬼祟袋，用黎放一D唔可以比人偷嘅野，打劫搶野就防唔到鳥～例如大量現金、passport同出入境文件等等。最後一個袋係用嚟放你自己入去嘅睡袋，夏天用嘅睡袋都有多D同少D棉之分，要自己去舖頭摸下佢先買。睏機場車站、床位污漕、hostel唔供應床單被舖、朋友屋企唔夠被都要用到！

電器方面有風扇，不過只係用咗幾次，作用不大。傻瓜機係為咗方便、快速咁攞到出嚟同埋偷拍，影相嘢之後再詳細講吓。電腦喺呢個年代都唔少得，特別去一D發咗達嘅國家，做咩都要上網做。因為我個電話唔係iphone所以要多帶一部ipod，對我嚟講係方便好多！插穌一定要check下目的地用邊隻啦，可以喺App store download一個checklist叫Powerplug，幾好用。

最後瑞士軍刀旁吓身做乜都得！電筒更加保你喺黑暗嘅街道、山邊定床頭都有光明，好緊要！下次再講影相同dream equipments！