Who is 33?

跟據地上面嘅口水三三應該只係原地等咗8至10秒鐘

其實三三係上海老西門國際青年旅舍裡面嘅一條狗！亦係路途上第一個朋友～身形係比較大份咗D，企起身比長春藤仲要高。說話唔多，口水唔多，只係每分鐘流半升口水落地，走失呢隻嘢應該唔難搵番。當時上海係夏天真係好熱，但係唔好以為因為熱所以佢扔條脷出嚟散熱喎，佢係條脷太長放唔晒入個口咋。最鐘意睏覺，仲要間12人房個房門開左少少，佢就馬上走入去嘆冷氣，入咗去嘅話之後都幾難推番佢出去～

而我哋可以從平日生活中睇到長春藤同三三嘅感情係幾咁好！無法啦，朝夕相對自然日久生情啦！

三三一睏長春藤就會向佢使出無情嘅百烈腿， 當然佢唔會有反應...

一覺醒嚟長春藤會若無其事咁ignore佢...

平時長春藤係完全唔想同佢有叮屎咁多嘅接觸！

真係羡煞旁人！